Kazakhstan yamkaribisha Rais wa China kwa ndege zikitoa moshi mwekundu na wa njano

Rais Xi Jinping wa China akishiriki hafla ya kumkaribisha iliyoandaliwa na Rais wa Kazakhstan Kassym-Jomart Tokayev mjini Astana, Kazakhstan, Julai 3, 2024. (Xinhua/Pang Xinglei)

ASTANA - Rais wa Kazakhstan Kassym-Jomart Tokayev aliandaa hafla ya kumkaribisha Rais wa China Xi Jinping ambaye yuko ziarani nchini humo, ambapo ndege sita za kivita, zikiwa zimeruka juu ya ikulu ya rais, ziliacha nyuma moshi wa rangi nyekundu na njano, ambazo ni rangi za bendera ya Taifa la China.

Rais Xi aliwasili Astana siku ya Jumanne kwa ziara ya kiserikali nchini Kazakhstan, ambako pia atahudhuria Mkutano wa 24 wa Baraza la Wakuu wa Nchi Wanachama wa Jumuiya ya Ushirikiano ya Shanghai.

Ndege tatu za kivita za Jeshi la Anga la Kazakhstan ziliruka angani na kuisindikiza ndege ya Rais Xi baada ya ndege hiyo kuingia kwenye anga ya nchi hiyo. Tokayev alifanya hafla kubwa ya makaribisho kwenye uwanja wa ndege.?