Kijiji kidogo cha Watu wa kabila la Wamiao chahimiza ustawishaji na maendeleo zaidi ya kijiji (4)

Wanakijiji wakijenga jengo la mbao katika Kijiji cha Wuying kwenye mpaka kati ya Mkoa unaojiendesha wa Kabila la Wazhuang wa Guangxi, Kusini-Magharibi mwa China na Mkoa wa Guizhou, Kusini-Magharibi mwa China, Julai 21, 2024. (Xinhua/Huang Xiaobang)

Kijiji cha Wuying katika eneo la mpaka kati ya Mkoa unaojiendesha wa Kabila la Wazhuang wa Guangxi, Kusini-Magharibi mwa China na Mkoa wa Guizhou, Kusini-Magharibi mwa China, kikiwa na historia ya zaidi ya miaka 200, ni kijiji kidogo cha watu wa Kabila la Wamiao, ambacho kiko kwenye eneo la milima mirefu inayovuka mpaka kati ya mikoa ya Guangxi na Guizhou.

Hapo awali, milima na mazingira magumu yasiyoweza kupitika yaliwafanya wenyeji wa huko kuwa maskini sana. Katika miaka ya hivi karibuni, Kijiji cha Wuying kimefanya juhudi zaidi katika kuendeleza uchumi, elimu, utamaduni na mshikamano wa kabila, na kadhalika kuhimiza ustawishaji wa kijiji na kupata maendeleo zaidi.