Meli ya kwanza ya kiwango cha tani 10,000 iliyofikia eneo la mtiririko wa juu la Mto Changjiang yawasili Bandari ya Jiangjin Luohuang, China (2)

Picha hii iliyopigwa Mei 12,2024 ikionesha hafla iliyofanyika kwenye bandari ya Jiangjin Luohuang, Chongqing kuhusu usafiri wa kwanza wa majaribio katika njia ya moja kwa moja ya mtoni-baharini ya Chongqing-Zhoushan. (Xinhua/Wang Quanchao)

CHONGQING - Meli ya kiwango cha tani 10,000 ya usafiri wa bahari ya mbali imewasili katika Mji wa Chongqing, Kusini-Magharibi mwa China siku ya Jumatano, na kuwa meli ya kwanza yenye ukubwa wa namna hiyo kusafiri hadi eneo la mtiririko wa juu wa Mto Changjiang.

Meli hiyo ya “Uvumbuzi No.5” iliyobeba chakula chenye uzito wa tani zaidi ya 5,000, iliondoka kutoka Bandari ya Zhoushan ya Ningbo katika mkoa wa pwani wa mashariki wa Zhejiang Aprili 24. Imesafiri kupitia njia ya moja kwa moja ya mtoni-baharini ya Chongqing-Zhoushan, ambayo inaunganisha moja kwa moja mji huo wa Chongqing katika eneo la mtiririko wa juu wa Mto Changjiang na bahari.