Akiba ya fedha za kigeni ya China kwa mwezi Julai yaongezeka

Picha inaonyesha karani akichagua noti ya dola kati ya noti za dola ya Marekani na Renminbi (RMB) kwenye benki moja huko Linyi, Shandong Mashariki mwa China. (Xinhua/Zhang Chunlei)

BEIJING, Agosti 7 (Xinhua)

Idara ya usimamizi wa fedha za kigeni ya China imetoa taarifa ikisema hadi kufikia mwezi Julai mwaka huu, akiba ya fedha za kigeni ya China iliongezeka na kufikia dola za Kimarekani trilioni 3.204 kutoka dola trilioni 3.193 za mwishoni mwa mwezi Juni.

Kutokana na athari ya sera za fedha na matarajio ya uchumi mkuu, data ya uchumi mkuu wa dunia na mambo mengine, katika mwezi wa Julai faharisi ya dola ya Marekani ilipungua na thamani ya mali ya kifedha duniani ilipanda kwa ujumla. Idara hiyo imesema kutokana na tafsiri ya kiwango cha ubadilishaji wa fedha na mabadiliko ya bei ya mali, akiba ya fedha za kigeni ya China kwa mwezi Julai iliongezeka.

Taarifa ya idara hiyo pia imesema uchumi wa China umeonesha uthabiti mkubwa na uwezekano wa kuwa na maendeleo zaidi, na misingi yake mikuu haijabadilika, ambayo inafaa kudumisha utulivu wa kimsingi wa akiba ya fedha za kigeni.